Բանգլադեշում 25 մարդ է զոհվել բեռնանավի հետ նավակի բախման հետեւանքով
Բանգլադեշի կենտրոնական մասում առնվազն 25 մարդ է զոհվել գետում ավազով լի բեռնանավի հետ մակույկի բախման հետեւանքով: Մայիսի 3-ին այդ մասին հայտնել է Agence France-Presse-ը՝ վկայակոչելով ոստիկանությանը:
Ոբբերգությունը տեղի է ունեցել Փադմա գետում՝ Շիբչար քաղաքից ոչ հեռու: «Մենք փրկեցինք հինգ մարդու եւ գտանք 25 մարմին»,- մեկնաբանել է պատահարը տեղի ոստիկանության պետ Միրազ Հոսեյնը, հաղորդել է ՏԱՍՍ-ը:
