Ֆինանսիստների «սև ցուցակը» 2020 թվականին կրճատվել է 4,3 տոկոսով
Ռուսաստանի բանկի «սեւ ցուցակը» 2020 թվականի ընթացքում կրճատվել է 4,3 տոկոսով: Այդ մասին վկայում են կարգավորիչի տվյալները։
ԿԲ-ի «սեւ ցուցակում» տեղեկատվություն է ներառվում անբավարար գործարար համբավ ունեցող անձանց մասին: Խոսքն այն վարկային ու ոչ վարկային ֆինանսական կազմակերպությունների թոփ-մենեջերների, բաժնետերերի եւ տնօրենների խորհրդի անդամների մասին է, որոնք հեռացել են շուկայից կամ հայտնվել են ֆինանսական առողջացման ներքո: Այդ բազայում հայտնվելը մարդուն զրկում է որոշակի ժամանակաշրջանով տնօրենների խորհուրդ կամ թոփ մենեջմենթ մտնելու իրավունքից, ինչպես նաեւ խոշոր փաթեթներ ձեռք բերել այդ կազմակերպություններում:
Ինչպես «Ինտերֆաքս»-ին հաղորդել են ԿԲ-ի մամուլի ծառայությունում, 2021 թվականի հունվարի 1-ի դրությամբ բազայում գտնվում էր 7182 մարդ՝ 2020 թվականի սկզբի 7504-ի դիմաց: Այս տարվա փետրվարի 15-ի դրությամբ թիվն էլ ավելի շատ է կրճատվել՝ հասնելով 7026-ի:
«Սեւ ցուցակում» գտնվող անձանց թվաքանակի դինամիկայի վրա 2020 թվականին ազդեցություն են ունեցել մի շարք գործոններ: Դրանցից մեկը Ռուսաստանի բանկի՝ բողոքների հարցերով զբաղվող հանձնաժողովի կողմից դրական որոշումների ընդունումն է այն մարդկանց դիմելով, որոնց գործարար համբավն անբավարար է ճանաչվել:
«Սեւ ցուցակում» ընդգրկված անձանց թիվը վերջին հինգ տարում աճել է ԿԲ-ի կողմից անցկացված ֆինանսական համակարգի առողջացման ֆոնին:
2020 թվականի վիճակագրությունը թվաքանակի նվազում է արձանագրել բանկային սեկտորի մաքրում սկսելուց ի վեր առաջին անգամ:
