Մեսսին չի միանա «Սիթիին»․ շաբաթվա տրանսֆերային շշուկները

«Տոտենհեմը» պատրաստ է վաճառել Հարի Քեյնին

Daily Mail-ի անգլերեն հրատարակությունը, վկայակոչելով իր աղբյուրներին, գրում է, որ Հարի Քեյնի ժամանակը «Տոտենհեմում» ավարտվում է:

Ժոզե Մոուրինիոյի ժամանումից հետո անգլիացի հարձակվողը դադարեց վայելել խաղը և պատրաստ է առաջիկայում փոխել ակումբը:

Միևնույն ժամանակ, Քեյնը ցանկանում է տեղափոխվել ակումբ, որը կպայքարի տիտղոսի համար և կպայքարի Չեմպիոնների լիգայում հաղթանակի համար:

Բրիտանական հրատարակության համաձայն, «Տոտենհեմը» չի ցանկանում պահել Հարիին իր կամքին հակառակ և պատրաստ է բաց թողնել խաղացողին:

Daily Mail-ը գրում է, որ «Տոտենհեմը» պատրաստ է այս ամառ Քեյնին վաճառել ցանկացած ակումբի՝ 170 միլիոն եվրոյի դիմաց:

Հարկ է հիշեցնել, որ նախկինում անգլիացի հարձակվողի նկատմամբ հետաքրքրություն էին ցուցաբերել «Մանչեսթեր Յունայթեդը», «Չելսին», «Լիվերպուլը» և «Ռեալը»:

ՊՍԺ-ն ցանկանում է գնել «Ատլետիկոյի» ֆուտբոլիստ Մարկոս Լյորենտեին և «Էվերթոնի» ֆուտբոլիստ Մոյզի Քինին

Չնայած այն հանգամանքին, որ ՊՍԺ-ն այժմ հարձակման գծում ունի Կիլիան Մբապեին, Նեյմարին և Մաուրո Իկարդիին, թիմը ցանկանում է ուժեղացնել հարձակման գիծը:

Այսպիսով, Ok Diario-ն ու Daily Mail-ը հայտնում են, որ ՊՍԺ-ն ցանկանում է գնել «Ատլետիկոյից» Մարկոս Լյորենտեին, իսկ «Էվերթոնից»` Մոյզի Քինին:

Իսպանական թերթը գրում է, որ մայրաքաղաքային ակումբը հետաքրքրված է Լյորենտեին գնելով և պատրաստ է «Ատլետիկոյին» առաջարկել 70 միլիոն եվրո:

Միաժամանակ նշվում է, որ իսպանացի հարձակվողի փոխհատուցումը պայմանագրով կազմում է 120 միլիոն եվրո:
Ըստ Daily Mail-ի՝ ՊՍԺ-ն «Էվերթոնից» պատրաստ է գնել ու Մոյզի Քինին:

Մաուրիսիո Պոչետինոն բարձր է գնահատում երիտասարդ իտալացու հմտությունները և արդեն խնդրել է նրան գնել փարիզյան ակումբի ղեկավարությանը:

Անգլիական հրատարակությունը գրում է, որ «Էվերթոնը» ցանկանում է 70 միլիոն եվրո ստանալ Քինի համար:
Այս գումարը բավականին գոհացուցիչ է ՊՍԺ-ի համար, և նրանք պատրաստ են տրանսֆերն իրականացնել հաջորդ ամռանը:

«Մանչեսթեր Սիթին» չի բանակցում Մեսսիի հետ

Անցած ամառ` «Բավարիային» պարտվելուց հետո, Լեո Մեսսին հասկացրեց, որ ցանկանում է հեռանալ «Բարսելոնայից»:

Հետո կապտանռնագույնների ղեկավարությունն ամեն ինչ արեց, որ բաց չթողնի ֆուտբոլիստին, բայց ինքը՝ արգենտինացին, հասկացրեց, որ պատրաստ է հեռանալ թիմից 2022-ի ամռանը, երբ նրա պայմանագիրն ավարտվի:
Մեսսիի հիմնական հավակնորդները վաղուց նշվում էին ՊՍԺ-ն և «Մանչեսթեր Սիթին»:

Sky Sport-ը գրում է, որ իրենց տեղեկություններով՝ «Մանչեսթեր Սիթին» բանակցություններ չի վարում Մեսսիի հետ:
Անգլիական հրատարակությունը գրում է, որ չնայած դրան՝ «քաղաքայինները» շարունակում են հետաքրքրվել Լիոնելով:

Փաստն այն է, որ անգլիական ակումբը նախատեսում է բանակցություններ սկսել ամռանը մոտ (ապրիլ-մայիս):
Այնուամենայնիվ, «Բարսելոնայի» Չեմպիոնների լիգայից շուտ հեռացումը կարող է նպաստել արգենտինացու հետ ավելի շուտ երկխոսության մեկնարկին՝ Անգլիա տեղափոխվելու շուրջ:

Սիրարփի Աղաբաբյան