Բիթքոինի արժեքը հասել է ավելի քան 56.000 դոլարի
Բիթքոին կրիպտոարժույթի արժեքը կրկին ռեկորդ է սահմանել՝ անցնելով 56 հազար դոլարի շեմը: Այս մասին հայտնում է «ՌԻԱ Նովոստի»-ն:
Բիթքոինի արժեքը սկսել էր մեծանալ դեռևս 2020 թվականի վերջից՝ գերազանցելով 2017 թվականից հաստատված 20 հազար 042 ԱՄՆ դոլարը:
Կրիպտոարժույթի արժեքի ակտիվ աճ սկսվեց այն բանից հետո, ինչ փետրվարի 8-ին Իլոն Մասկին պատկանող Tesla ընկերությունը հայտնեց, որ բիթքոինի մեջ ներդրում է կատարել 1.5 մլրդ ԱՄՆ դոլարի չափով:
2021 թվականի փետրվարի 16-ին առաջին անգամ բիթքոինի արժեքը հասավ 50 հազար ԱՄՆ դոլարի:
