Մատչելի, 4 տեսախցիկով և iPhone 12-ի դիզայնով․ նոր սմարթֆոն Samsung-ից

Իր տեսքից բացի, սմարթֆոնն ունի տպավորիչ ինքնավարություն և մի շարք այլ բնութագրեր:

Samsung-ը պաշտոնապես ներկայացրել է Galaxy M12 միջին սմարթֆոնը: Այն ունի 6,5 դյույմանոց HD + Infinity-V էկրան, 1600 × 720 պիքսել թույլատրություն և առջևի տեսախցիկի փոքր կտրվածք (8 ՄՊ):

Օպերատիվ հիշողությունը, կախված երեք տարբերակներից, կազմում է 3, 4 կամ 6 ԳԲ: Ֆլեշ կրիչի հզորությունը համապատասխանաբար 32, 64 կամ 128 ԳԲ։ Ցանկության դեպքում կարող եք օգտագործել microSD քարտ:

Պրոցեսորը նշված չէ, բայց եթե հավատում եք ինտերնետային վաղ արտահոսքին, ապա տեղադրված է Exynos 850։

Galaxy M12-ի հիմնական առանձնահատկությունը 6000 mAh մարտկոց է՝ սովորաբար այս հզորության մարտկոցը տեղադրված է պլանշետներում: Ըստ լուրերի՝ մարտկոցի տևողությունը հասնում է 24 ժամի: Ընկերությունը չի խնայել մանրուքները, ուստի սմարթֆոնն ունի ժամանակակից USB Type-C միակցիչ, այլ ոչ թե հնացած microUSB:

Հարկ է նշել նաև հիմնական տեսախցիկի քառակուսի բլոկը և կողքի մատնահետքի սկաները: Այդ պատճառով սմարթֆոնի արտաքին տեսքը հիշեցնում է սարքեր Apple-ի նոր շարքից: Պատկերի հիմնական սենսորն ունի 48 մեգապիքսել բանաձև, բացի դրանից, տեղադրված են 5 մեգապիքսել մոդուլ լայնանկյուն օպտիկայով, խորության սենսոր և մակրո մոդուլ՝ երկուսն էլ 2 մեգապիքսել:

Սիրարփի Աղաբաբյան