Սահմանադրական կարգի ենթադրյալ տապալման գործով նիստը նորից հետաձգվեց
Երևանի ընդհանուր իրավասության դատարանը, նախագահությամբ Աննա Դանիբեկյանի (Շենգավիթի նստավայր), այսօր նորից հետաձգեց սահմանադրական կարգի ենթադրյալ տապալման գործով նիստը։ Յուրի Խաչատուրովի պաշտպան Միհրան Պողոսյանը չէր կարողացել ներկայանալ դատական նիստին։
Հիշեցնենք, որ նախորդ՝ դեկտեմբերի 1-ին նշանակված նիստը ևս հետաձգվել էր, քանի որ Սեյրան Օհանյանի պաշտպան Կարեն Մեժլումյանը չէր կարողացել ներկայանալ, ինչի մասին փաստաբանը նախապես տեղեկացրել էր դատարանին։
Սահմանադրական կարգի ենթադրյալ տապալման գործով հաջորդ նիստը նշանակվել է դեկտեմբերի 15-ին:
