Xiaomi-ն առաջին անգամ շրջանցեց Apple-ին․ ամենավաճառվող սմարթֆոնները

Gartner վերլուծական ընկերությունը հրապարակել է համաշխարհային շուկայում 2020-ի երրորդ եռամսյակի արդյունքները՝ սմարթֆոնների վաճառքի տեսակետից:

Սմարթֆոնների շուկայի համար 2020-ի հուլիս-սեպտեմբեր ժամանակահատվածն ավելի հաջող ստացվեց, քան առաջին վեց ամիսը, քանի որ արտադրողներն արդեն հարմարվել են համաճարակի պայմաններին:

2020 թվականի երրորդ եռամսյակում վաճառված սմարթֆոնների թվով լավագույն 5 ընկերությունները.

1. Samsung 22%-80,8 մլն

2. Huawei 14.1%-51.8 մլն

3. Xiaomi 12,1%-44,4 մլն

4. Apple 11.1%-40.5 մլն

5. OPPO 8,2%-29,8 մլն

Նման պայմաններում քչերը կարող են վաճառքը պահել նախորդ տարվա ցուցանիշների մակարդակում: Օրինակ, Apple-ը ստիպված էր հետաձգել սմարթֆոնների ավանդական սեպտեմբերյան շնորհանդեսը հոկտեմբերին, այնպես որ iPhone 12-ի վաճառքի մեկնարկը չի ազդել երրորդ եռամսյակի վրա:

Թվում է, որ միայն Xiaomi-ն կարողացավ էապես ավելացնել իր բաժինը համաճարակի համատեքստում: Ընկերությունը վաճառել է 44,4 միլիոն սմարթֆոն՝ մեկ երրորդով ավելի, քան մեկ տարի առաջվա նույն ժամանակահատվածում: Սա չինական ընկերությանը թույլ տվեց առաջին անգամ շուկայական մասնաբաժնով գերազանցել Apple-ին:

Samsung-ին հաջողվեց պահպանել աննշան աճ՝ ընդամենը գումարած 2.2%: Վաճառքների մնացած մասը տարեցտարի մնացել է նույն մակարդակի վրա կամ խորտակվել է մեծապես:

Սիրարփի Աղաբաբյան