«Թող թույլ տան, գնանք մենք մեր երեխեքին որտեղից կլինի՝ ճարենք-բերենք». Անհետ կորած զինվորի ծնող
Այսօր անհետ կորած զինծառայողների ծնողները հավաքվել էին Պաշտպանության նախարարության շենքի առջև: Պահանջում էին ՊՆ-ից, որ ավելի արդյունավետ աշխատեն և գտնեն կորած զինծառայողներին:
«Ես զինվորի ծնող եմ: Մենք ոչ քաղաքականության հետ գործ ունենք, ոչ իշխանության հետ գործ ունենք, ոչ մեկի հետ գործ չունենք, մենք մեր երեխեքին ենք խնդրում: Թող մեր երեխեքին բերեն տան մեզ, թող մեռած բերեն, թաղենք, հուղարկավորենք, ի՞նչ են ուզում մեզանից: Հերիք ա, բոլ ա: Մենք մեր երեխեքին ենք խնդրում, գնանք, մենք մեր երեխեքին որտեղից կլինի՝ ճարենք բերենք, թող թույլ տան գնանք բերենք, էդքան բան եմ խնդրում»,- ասաց անհետ կորած զինծառայողի հայրը:
