Qualcomm-ը ներկայացրել է առաջին մատչելի 5G չիպերը

Հաղորդակցության հինգերորդ սերունդը կդառնա ավելի հեշտ օգտագործման համար:

Qualcomm ընկերությունը հայտարարել է բջջային պրոցեսորների նոր շարքի՝ Snapdragon 690 5G-ի մասին, որը պետք է մեծացնի հինգերորդ սերնդի ցանցերին աջակցող սարքերի առկայությունը: Այս մասին հաղորդել է ընկերության մամուլի ծառայությունը:

Նոր պլատֆորմն աշխատում է՝ օգտագործելով արհեստական ​​ինտելեկտ և բջջային խաղերում բարձր կատարողականություն: Ինչպես շեշտեց արտադրողը, Nokia, LG, Motorola, TCL, Sharp և Wingtech սմարթֆոնները շուտով կներկայացնեն Snapdragon 690-ը:

«Մենք խթանում ենք 5G-ի տարածումը տարբեր մակարդակներում` նոր սերնդի լուսանկարչությունը, արհեստական ​​ինտելեկտը և խաղային հնարավորություններն ավելի հասանելի դարձնելու  օգտագործողների լայն շրջանակի համար։ Qualcomm Technologies-ի 5G լուծումների հիման վրա ավելի քան 375 5G մոդելներ արդեն արտադրության մեջ են և մշակվում են»,- ասում է Qualcomm-ի նախագահ Կրիշտիանո Ամոն:

Ամոն շեշտում է նաև, որ 6-րդ սերիայի 5G Snapdragon պրոցեսորների թողարկմամբ նոր տեխնոլոգիան ավելի հասանելի կդառնա 2 միլիարդ օգտագործողի համար:

6-րդ շարքում առաջին անգամ Snapdragon 690-ը ստացավ պրեմիում հարմարանքների նման ընդհանուր առանձնահատկությունների աջակցություն, ինչպես նաև 4K HDR-ի աջակցությունը՝ 10-բիթանոց խորությամբ, ինչը թույլ է տալիս անել 192 մեգապիքսելով լուսանկարներ:

Սիրարփի Աղաբաբյան