Դատավոր Ալեքսանդր Ազարյանի նկատմամբ հարուցված կարգապահական վարույթի քննությունը հետաձգվեց
Բարձրագույն դատական խորհրդում (ԲԴԽ) ընդմիջումից հետո շարունակվում է Հատուկ քննչական ծառայության (ՀՔԾ) պետ Սասուն Խաչատրյանի հաղորդման հիման վրա ՀՀ Վերաքննիչ դատարանի դատավոր Ալեքսանդր Ազարյանի նկատմամբ հարուցված կարգապահական վարույթի քննությունը:
1.5 ժամ առաջ հայտարարված ընդմիջումից հետո ԲԴԽ նախագահ Ռուբեն Վարդազարյանը տեղեկացրեց, որ ԲԴԽ անդամ Սերգեյ Չիչոյանը ընտանեկան խնդիրներով պայմանավորված, ստիպված է եղել մեկնել Գավառ:
Խորհուրդը մեկնեց խորհրդակցական սենյակ՝ որոշում կայացնելու՝ շարունակե՞լ արդյոք նիստը առանց Չիչոյանի:
Մինչ այդ Ալեքսանդր Ազարյանի ներկայացուցիչ Տիգրան Աթանեսյանը միջնորդել էր հետաձգել նիստը՝ Սերգեյ Չիչոյանի ներկայությունն ապահովելու համար:
Խորհրդակցական սենյակից վերադառնալուց հետո ԲԴԽ-ն որոշեց հետաձգել նիստը. խորհրդի նիստը հայտարարվեց փակված:
Մանրամասները՝ տեսանյութում:
