««Լիվերպուլը» մտադիր է վաստակել ավելի քան 100 միավոր և կերտել պատմություն»․ Ադրիան
«Լիվերպուլի» դարպասապահ Ադրիանը նշել է, որ ակումբը մտադիր է Պրեմիեր լիգայի ռեկորդ սահմանել։
«Մենք պետք է ընդամենը մի փոքր քայլ կատարենք, բայց մենք մտադիր չենք գոհ լինել երկու հաղթանակ ունենալով:
Մենք ցանկանում ենք վերադառնալ և հաղթել մնացած ինը հանդիպումները, հնարավորության դեպքում՝ վաստակել ավելի քան 100 միավոր, և, ի վերջո, պատմություն կերտել։
Ոչ ոք չպետք է մոռանա, որ 25 միավորով մենք առաջ ենք երկրորդ թիմից, և այս «Մանչեսթեր Սիթին» հիանալի թիմ է՝ գերազանց անվանացանկով»,- ասել է Ադրիանը:
Պրեմիեր լիգայում վաստակած միավորների քանակի ռեկորդը պատկանում է «Մանչեսթեր Սիթիին», որը 2017/18 մրցաշրջանում նվաճեց չեմպիոնությունը՝ վաստակելով 100 միավոր:
«Լիվերպուլը» 29 խաղում վաստակեց 82 միավոր և հնարավորություն ունի հավաքել 109 միավոր, եթե հաղթի մնացած բոլոր խաղերում:
Սիրարփի Աղաբաբյան
