«Չեմ մտածում «Ոսկե գնդակի» մասին, բայց հավատում եմ, որ ամեն ինչ հնարավոր է»․ Լևանդովսկի
«Ոսկե գնդակի» մասին է խոսել «Բավարիայի» լեհ հարձակվող Ռոբերտ Լևանդովսկին:
«Ես անցած տարվա դեկտեմբերին եղել եմ մրցանակաբաշխությանը (ծիծաղում է): Մենք կտեսնենք, թե ինչ կլինի։ Միշտ փորձում եմ ցույց տալ իմ լավագույն կողմը, տիտղոսներ նվաճել և ավելի շատ գոլեր խփել: Բայց այդպիսի պարգևատրումները գալիս են հավաքական գավաթներով: Դա ամենակարևորն է:
Ես չեմ մտածում «Ոսկե գնդակի» մասին: Բայց ես հավատում եմ, որ ամեն ինչ հնարավոր է (ծիծաղում է)»,- ասել է Լևանդովսկին
Հիշեցնենք, որ այս շաբաթ Լևանդովսկիի «Բավարիան» հերթական անգամ դարձավ գերմանական Բունդեսլիգայի հաղթող: Լևանդովսկին թիմի լավագույն ռմբարկուն է։
Սիրարփի Աղաբաբյան
