Վաղարշապատի ոստիկանները կես կիլոգրամից ավելի թմրամիջոցի նմանվող զանգված են հայտնաբերել

Հունիսի 15-ին հարուցված քրեական գործի շրջանակներում ոստիկանության Արմավիրի մարզային վարչության և Վաղարշապատի բաժնի ծառայողները, դատարանի որոշմամբ, խուզարկեցին Էջմիածնի Չարենցի փողոցի տներից մեկը։

Տան ննջասենյակից հայտնաբերվեց պոլիէթիլենային տոպրակով շուրջ 540 գրամ սպիտակ փոշենման զանգված։
Հայտնաբերվածն ուղարկվել է փորձաքննության։
Հարուցված քրեական գործի նախաքննությունը շարունակվում է։