Աթոսի անտառներում հրդեհ է բռնկվել
Հունաստանի Աթոս լեռան անտառային գոտում ուժեղ հրդեհ է բռնկվել: Հրշեջ ծառայությունը փորձում է մարել այն: Այս մասին հայտնում է «ՌԻԱ Նովոստի»-ն:
Հունաստանի հրշեջ ծառայությունը հունիսի 12-ի երեկոյան հայտնել է, որ հրդեհը բռնկվել է Աթոս (Աֆոն) լեռան հյուսիսային ծայրամասի անտառային գոտում: Այնտեղ անմիջապես 50 հրշեջ և 20 հրշեջ մեքենա է ուղարկվել, երեք ինքնաթիռ և մեկ ուղղաթիռ: Մութն ընկնելուն պես թռիչքները դադարեցվել են: Չնայած կրակը վերահսկել չի հաջողվում, այն հեռու է Հիլանդար վանքից:
«Ամենայն հավանականությամբ հրդեհի պատճառը կայծակի հարվածն է»,-ասվում է հաղորդագրությունում:
Ըստ քաղաքացիական պաշտպանության տեղական բաժնի՝ կրակի ինտենսիվությունը նվազել է: Վանքին վտանգ չի սպառնում:
