Ռումինիայում կորոնավիրուսի դեպքերի թիվը հասել է 20.290-ի
Ռումինիայում կորոնավիրուսի դեպքերի թիվը մեկ օրում ավելացել է 187-ով՝ հասնելով 20 հազար 290-ի: Այս մասին տեղեկացնում է «ՌԻԱ Նովոստի»-ն՝ հղում կատարելով «Դիջի 24» հեռուստաալիքին:
Ավելի վաղ երկրի իշխանությունները հաղորդել էին, որ 20 հազար 103 դեպք կա:
Ընդհանուր առմամբ Ռումինիայում կորոնավիրուսից մահացել է 1318 մարդ: Միևնույն ժամանակ, իշխանությունները հայտնում են, որ 14.4 հազար պացիենտ բուժվել է և դուրս գրվել հիվանդանոցներից:
