«Ռոնալդուն բարկանում էր, երբ «Ռեալը» հաղթում էր 6։0, բայց ինքը գոլ չէր խփում». Վան դեր Վարտը էգոիստների մասին
«Տոտենհեմի» նախկին խաղացողներ Ռաֆայել վան դեր Վարտը և Պիտեր Կրաուչը խոսել են ֆուտբոլում էգոիզմի մասին:
«Ինձ համար կարևոր էր խաղում հաղթանակի փաստը, բայց ոչ այն, թե ով էր գոլ խփում: Այս զգացողությունը հիանալի էր: Այնուամենայնիվ, շատ առաջատարներ շատ եսասեր են:
Ես խաղացել եմ Կրիշտիանու Ռոնալդուի հետ Մադրիդի «Ռեալում»: Տանը մենք 6:0 հաշվով հաղթեցինք Խիխոնի «Սպորտինգին», ես հեթ-տրիկ արեցի, բայց Ռոնալդուն գոլ չխփեց։
Հանդերձարանում նա շատ էր բարկանում»,- ասել է Վան դեր Վարտը:
«Սպասեք, մենք «Տոտենհեմում» նույնպես ունեինք այդ դժգոհներից մի քանիսին, այնպես չէ՞: Ռոման Պավլուչենկոն և Ջերմեյն Դեֆոն․ կարող ենք ասել, որ նրանք ոչ ամենադաժան խաղացողներն էին»,- հիշել է Կրաուչը:
Սիրարփի Աղաբաբյան
