«Նա համակարգում չի եղել, բայց պրոֆեսիոնալ է». ԱԱԾ ղեկավարը՝ Արգիշտի Քարամյանի մասին
Ազգային անվտանգության ղեկավար Էդուարդ Մարտիրոսյանն այսօր խորհրդարանում լրագրողների հետ ճեպազրույցում անդրադարձավ իր ազատման վերաբերյալ մամուլի հրապարակումներին և ասաց, որ ազատման դիմում չի եղել, հակառակ պարագայում խորհրդարանում չէր լինի:
Նա վստահեցրեց, որ վերջերս ԱԱԾ տնօրենի տեղակալ նշանակված Արգիշտի Քարամյանի հետ շատ լավ է աշխատում:
«Նա մեր համակարգում չի եղել, բայց պրոֆեսիոնալ է, աշխատել է Դատախազությունում, ղեկավարել է Պետական վերահսկողական ծառայությունը, կարծում եմ՝ որևէ խնդիր չկա»,- ասաց նա:
Ինչ վերաբերում է կորոնավիրուսային համաճարակի պայմաններում ԱԱԾ-ի իրականացվող աշխատանքներին, Էդուարդ Մարտիրոսյանն ասաց, որ համաճարակի դեմ պայքարը յուրաքանչյուրիս խնդիրն է:
«ԱԱԾ մարմինների ուժերը գուցե չեն բավարարում մեծաքանակ բնակչության դիմակների կամ մյուս միջոցների ապահովման հարցի շուրջ աշխատանքներում: Ցանկացածս այդ հարցը պետք է գիտակցենք»,- եզրափակեց ԱԱԾ տնօրենը:
Հիշեցնենք, որ ՀՀ վարչապետի մայիսի 5-ի որոշման համաձայն՝ Արգիշտի Քարամյանը նշանակվել է ԱԱԾ ղեկավարի տեղակալ: Մինչ այդ նա ՊՎԾ պետի տեղակալն էր:
