100 հազար՝ ֆեյսբուքյան էջի համար
Վերջին երկու տարիների ընթացքում բազմիցս է խոսվել և ներկայացվել փաստեր գործող իշխանությունների կողմից հատկապես Ֆեյսբուք սոցիալական ցանցում գործի դրված կեղծանուններով՝ ֆեյք էջերի մասին, որոնք Նիկոլ Փաշինյանին և իշխանական թիմին տեղեկատվական հարթակում գովաբանելու և վիրտուալ աջակցություն ապահովելու քաղաքականություն են վարում։ Ինչպես Նիկոլ Փաշինյանն է սիրում ասել՝ ըստ օդում կախված լուրերի՝ իշխանությունները ֆեյքերի հետ կապված մարտավարական լուրջ փոփոխություն են կատարել․ ոչ թե հատուկ էջեր-պրոֆիլներ են բացում և փորձում դրանք նմանեցնել իրական էջերի, այլ նրանք սկսել են ուղղակի գնել իրական մարդկանց ֆեյսբուքյան էջերը՝ մի օգտատիրոջ համար վճարելով 100 հազար դրամ։
Ինչպե՞ս է դա արվում․ համապատասխան խումբը ֆեյսբուքյան տիրույթում ուսումնասիրություն է կատարում և հնարավոր լավ «աճեցրած» պրոֆիլների տերերի հետ փորձում է կոնտակտի դուրս գալու միջոցներ գտնել։ Սա հիմնականում արվում է այն նպատակով, որպեսզի էջերը հնարավոր «բլոկելու» կամ Ֆեյսբուքի կողմից ավտոմատ փակվելու հնարավորությունը հասցվի մինիմումի։ Մենք տեղեկություններ ունենք, որ օգտատերերին գումարները փոխանցվում են գլխավորապես ռուսական հաշիվներից։
