«Ուրարտու»-ի ամբողջ անձնակազմը կորոնավիրուսի թեստ է հանձնել
Հայաստան ֆուտբոլի առաջնության բարձրագույն խումբը ներկայացնող «Ուրարտու» թիմի անդամները մարզումները վերսկսելուց առաջ կորոնավիրուսի թեստ են հանձնել:
Այս մասին հայտնում է ակումբի մամուլի ծառայությունը: Ապրիլի 22-ին «Ուրարտուի» ֆուտբոլիստները, բժշկական, սպասարկող ու ադմինիստրատիվ կազմը կորոնավիրուսի ախտորոշման թեստավորում են անցել։ Բոլորի պատասխանը եղել է բացասական։
Արդեն վաղվանից «Ուրարտուն» կսկի մարզումները սեփական մարզաբազայում։
Նախօրեին «Արարատի» ֆուտբոլիստները և աշխատակազմը ևս հանձնել էին ՀՖՖ-ի կողմից ստացած կորոնավիրուսի թեստերը, բոլորի պատասխանները նույնպես եղել են բացասական։
