ՊՍԺ-ն 215 մլն եվրո կկորցնի կորոնավիրուսի պատճառով

Ֆրանսիայի չեմպիոն ՊՍԺ-ն հսկայական ֆինանսական կորուստներ է կրելու  կորոնավիրուսային համաճարակի պատճառով:

Ֆրանսիական գրանդի կորուստները կկազմեն 215 միլիոն եվրո. ընդհանուր բյուջեն կազմում է 638 միլիոն եվրո: Ըստ L’Equipe-ի՝ դա հիմնականում պայմանավորված է տնային հանդիպումների համար տոմսերի վաճառքից և հեռարձակումից ստացված հասույթի կորստով:

Աղբյուրը հավելում է, որ փարիզյան ակումբը կփորձի փոխհատուցել կորուստները ֆուտբոլիստների վաճառքի միջոցով: Ավելի վաղ հաղորդվում էր, որ ֆրանսիացիները պատրաստ են Նեյմարի արժեքը հասցնել 150 միլիոն եվրոյի:

Պատրաստեց Անի Գաբուզյանը