Ներկայացվել է լեգենդար Nokia 5310-ի նոր տարբերակը

Ընկերությունը որոշել է վերաթողարկել դասական «երաժշտական» կոճակներով հեռախոսը:

Nokia-ն այն եզակի ընկերություններից է, որը շարունակում է արտադրել հպման կոճակներով սմարթֆոններ՝ երկրպագուների շրջանում առաջացնելով կարոտի զգացողություն: Հատկապես դրա համար ընկերությունը ներկայացրել է Nokia 5310 (2007) հեռախոսի նորացված տարբերակը: Այն ներկայացվել է՝ որպես երաժշտական հեռախոս, XpressMusic ապրանքանիշի ներքո:

Նոր հեռախոսն ավելի ժամանակակից է, բայց այն դեռևս կրկնում է բնօրինակ մոդելի դիզայնի որոշ առանձնահատկություններ՝ ներառյալ հիմնական դետալը՝ կողմերի վառ կարմիր ներդիրները: Երաժշտությունը կառավարելու համար աջ կողմում կան առանձին կոճակներ: Բոլոր ժամանակակից հեռախոսները, նույնիսկ կոճակով տարբերակները կարող են mp3 նվագարկիչ ունենալ, ուստի այս առումով նորացված Nokia 5310-ը չի զարմացնի: Բայց այն ունի ստերեո բարձրախոսներ առջևի վահանակում:

Մնացած առումներով դասական ժամանակակից հպման կոճակ ունեցող հեռախոս է՝ 2.4 դյույմանոց էկրանով, microSD- ի աջակցությամբ՝ մինչև 32 ԳԲ և անհավատալի (համեմատած սմարթֆոնների հետ) ինքնավարությամբ՝ սպասման ռեժիմում մինչև 22 օր: Հեռախոսին նույնիսկ ավելացվել է տեսախցիկ, բայց VGA բանաձևով:

Կարևոր է հասկանալ, որ նոր Nokia 5310-ը հենց զանգելու համար նախատեսված հեռախոս է, քանի որ այն աշխատում է միայն 2G ցանցերում: Բայց այն աջակցում է երկու SIM քարտերի տեղադրմանը: Ստացվում է զանգերի պահեստային հեռախոս, որը միաժամանակ կարող է ծառայել որպես նվագարկիչ:

Նորացված Nokia 5310-ի վաճառքի մեկնարկը կսկսվի մինչև մարտի վերջ, գինը՝ 39 եվրո։

Սիրարփի Աղաբաբյան