Պարետատան այսօրվա նիստում քննարկել ենք արտակարգ դրության պայմաններում գործատու-աշխատակից փոխհարաբերությունների կարգավորումը․ Տիգրան Ավինյան
Այսօր տեղի է ունեցել Պարետատան հերթական նիստը, որի ընթացքում քննարկվել է արտադրական ընկերությունների բնականոն աշխատանքը կազմակերպելու նպատակով Իրանի և Հայաստանի միջև թույլատրելի ապրանքների և հումքատեսակների ցանկի ընդլայնման հարցը և այլ հարցեր։ Այս մասին ֆեյսբուքյան իր էջում տեղեկացնում է Տիգրան Ավինյանը։
«Պարետատան նիստին քննարկել ենք.
Արտադրական ընկերությունների բնականոն աշխատանքը կազմակերպելու նպատակով Իրանի և Հայաստանի միջև թույլատրելի ապրանքների և հումքատեսակների ցանկի ընդլայնման հարցը,
Տարեցներին ու նրանց ապրելակերպին վերաբերող հարցեր, նրանց համար որոշակի հնարավորությունների սահմանման ու որոշակի ռիսկերից պաշտպանելու միջոցառումներ,
Փոստատարների անվտանգության ապահովումը և սանիտարահիգիենիկ պաշտպանիչ միջոցներով հագեցվածությունը,
Տեղեկատվական տեխնոլոգիաների գործիքների կիրառումը կորոնավիրուսային հիվանդության դեմ պայքարում,
Արտակարգ դրության պայմաններում գործատու-աշխատակից փոխհարաբերությունների կարգավորումը:
