Կաննի 73-րդ կինոփառատոնը կորոնավիրուսի պատճառով հետաձգվել է
Կաննի 73-րդ կինոփառատոնը, որը պետք է տեղի ունենար մայիսի 12-23-ը, նոր տիպի կորոնավիրուսի պատճառով չի կայանա մայիսին, ինչպես նախատեսված էր։
Այս մասին տեղեկացնում է «Թվիթեր»-ի փառատոնի պաշտոնային էջը։
«Առողջապահության ոլորտում ճգնաժամի և զարգացող իրավիճակի պատճառով՝ Կաննի 73-րդ փառատոնը չի կարող անցկացվել մայիսի 12-23-ը»,- ասված է փառատոնի կազմակերպիչների հայտարարության մեջ։
Նրանք տեղեկացրել են, որ հետագա գործողությունների համար մի քանի տարբերակ են քննարկում։ Դրանցից ամենակարևորը փառատոնի հետաձգումն է մինչև հունիսի վերջ՝ հուլիսի սկիզբ։
