Ըստ բերման ենթարկվածի` բուսական զանգվածը մարիխուանա է, պատրաստել է դաշտում վայրաճ կանեփի բույսից
Ոստիկանությունը շարունակում է թմրանյութերի օգտագործման և անօրինական շրջանառության դեմ հետևողական պայքարը: Օրերս հերթական դեպքը բացահայտեցին ոստիկանության Արմավիրի բաժնի ծառայողները:
Փետրվարի 28-ին, ժամը 20-ի սահմաններում, քրեական հետախույզները Արմավիրի «Կարմիր» կամրջից, թմրամիջոց պահելու և գործածելու կասկածանքով, բաժին բերման ենթարկեցին Նալբանդյան գյուղի 30-ամյա մի բնակչի:
Անձնական խուզարկությամբ կասկածվողի գրպանից հայտնաբերվեց յուրահատուկ հոտով, դեղնականաչավուն, չորացված մանրացված զանգված:
Ըստ բերման ենթարկվածի` բուսական զանգվածը մարիխուանա է, պատրաստել է Նալբանդյան գյուղի դաշտում վայրաճ կանեփի բույսից՝ իր օգտագործման համար:
Հանգամանքերը պարզվում են: Նշանակվել է դատաքիմիական փորձաքննություն:
Փաստի առթիվ նախապատրաստվում են նյութեր:
