Դասերը կդադարեցվեն 1 շաբաթով. Նիկոլ Փաշինյան
Կորոնավիրուսի հետ կապված մեկ շաբաթ դասերը Հայաստանի ուսումնական հաստատություններում դադարեցնելու որոշում է կայացվել։ Այս մասին «Ֆեյսբուք»-ի իր էջի ուղի եթերում նշեց ՀՀ վարչապետ Նիկոլ Փաշինյանը։ «Մեզ պետք է որոշակի ժամանակ վերցնել, ավելի մանրամասն հասկանալ, ինչ է կատարվում»,- ընդգծեց ՀՀ վարչապետը։
Փաշինյանը տեղեկացրեց, որ այդպիսով գարնանանյին արձակուրդները մեկ շաբաթ առաջ տեղի կունենան։
Նա վստահեցրեց, որ կորոնավիրուսի կանխարգելման հանձնաժողովն աշխատում է անընդհատ, և հորդորեց վստահել միայն պաշտոնական տեղեկատվությանը։ «Այս իրավիճակը մենք պատվով, ուժեղացած կհաղթահարենք»,- շեշտեց Նիկոլ Փաշինյանը։ Նա նաև ընդգծեց, որ կառավարությունը որևէ կենսականորեն անհրաժեշտ տեղեկատվություն չի թաքցնելու և շեշտեց. «Բացառված է, որ կառավարությունը որևէ այլ նպատակ ավելի կարևոր համարի, քան հանրային առողջության և անվտանգության խնդիրները»։
