Ադրբեջանում գրանցվել է կորոնավիրուսով վարակման առաջին դեպքը
Ադրբեջանում գրանցվել է COVID-19 կորոնավիրուսով վարակման առաջին դեպքը: Այ մասին հայտնել է երկրում գործող օպերատիվ շտաբը, տեղեկացնում է «Ինտերֆաքս»-ը:
«Նա Ռուսաստանի քաղաքացի է, որն Ադրբեջանի տարածք է ժամանել Իրանից: Նա տեղավորված է հատուկ ռեժիմի ինֆեկցիոն բլոկում»,-նշվում է շտաբի տեղեկատվության մեջ: Պացիենտի վիճակը գնահատվում է՝ կայուն: Վիրուսի տարածումը կանխելու համար մասնագետները փնտրում են այն մարդկանց, ում հետ շփվել է հիվանդացածը:
