Ամենավատ ընտանիքն ամենալավ հաստատությունից լավ է. ՄԻՊ-ը՝ ընտանիքում ապրելու երեխայի իրավունքի մասին
ՀՀ մարդու իրավունքների պաշտպան Արման Թաթոյանը կարևոր առաջնահերթություն է համարում ընտանիքում ապրելու երեխայի իրավունքի երաշխավորումը:
Այս մասին Թաթոյանն ասաց փետրվարի 26-ին ՀՀ Ազգային ժողովում Եվրոպական ինտեգրման հարցերի մշտական հանձնաժողովի կողմից կազմակերպված ՀՀ-ԵՄ համապարփակ և ընդլայնված գործընկերության համաձայնագրի կիրարկման գործընթացին նվիրված խորհրդարանական լսումների ընթացքում:
«Երեխայի իրավունքների պաշտպանության հարցում չափազանց կարևոր է ընտանիքում ապրելու երեխայի իրավունքի երաշխավորումը: Սա այն սկզբունքային մոտեցումն է, որով մենք ղեկավարվում ենք: ՄԻՊ-ի համար կարևորագույն նշանակություն ունի հաստատություններում գտնվող երեխաների իրավունքների վիճակը: Բայց մենք գիտենք, որ ներկայում Հայաստանում իրականացվում է վերակազմակերպման գործընթաց: Ամենավատ ընտանիքն անգամ ամենալավ հաստատությունից լավ է: Մենք պետք է միջոցներ ձեռնարկենք ընտանիքում ապրելու երեխայի իրավունքի երաշխավորման ուղղությամբ»,- ասաց Թաթոյանը:
