«Մանչեսթեր Յունայթեդի» զուտ պարտքը երեք ամսվա ընթացքում աճել է 73.6 մլն ֆունտով
«Մանչեսթեր Յունայթեդը» հայտարարություններ է հրապարակել ֆինանսական տարվա երկրորդ քառորդի համար:
Ակումբի զուտ պարտքը երեք ամսվա համար՝ 2019 թվականի հոկտեմբերից դեկտեմբեր ամիսներին, աճել է 73.6 միլիոն ֆունտով և կազմում է 391.3 միլիոն ֆունտ: Այս մասին հաղորդում է The Guardian-ը:
Պարտքի բարձրացման պատճառը հիմնականում խաղացողների մեջ ներդրումներն են: Ակումբն ընդունելի է համարում պարտքի այդ չափը:
Այս թվերը չեն ներառում կիսապաշտպան Բրունու Ֆերնանդեշի տրանսֆերային ծախսերը, որին ակումբը ստորագրել է հունվարին:
Պատրաստեց Անի Գաբուզյանը
