Ընկուզեղեն և դիետա. կարելի՞ է դրանք ուտել և որքա՞ն

Սննդաբանները խորհուրդ են տալիս օրական սննդի սպառման մեջ ներառել 30 գ ընկուզեղեն: Բայց բոլորը գիտեն, որ դրանք պարունակում են մեծ քանակությամբ ճարպեր և կալորիաներ, արդյո՞ք սա չի հանգեցնի քաշի ավելացման: Պատասխանում է Cosmo.ru-ն:

Այսպիսով, ընկույզները պարունակում են ճարպեր, և դրանց քանակը կախված է ընկույզի տեսակից: Օրինակ՝ 30 գ կեշյուն պարունակում է 15 գ ճարպեր:

Ուսումնասիրությունները ցույց են տվել, որ նրանք, ովքեր ընկուզեղեն են ուտում, ավելի քիչ են քաշ հավաքում (կամ ընդհանրապես չեն հավաքում), քան նրանք, ովքեր նախընտրում են «վատ» ճարպերը: Դիետային ընկույզները նույնպես չեն խանգարում: Եվ ահա թե ինչու:

1. Օրգանիզմը չի վերցնում բոլոր ճարպերը

Ընկույզի մեջ ճարպերը պարունակվում են բջիջների պատերին, որոնք այնքան էլ հեշտ չեն քանդվում մարսելիս: Ճարպի մի մասը պարզապես հեռանում է օրգանիզմից բնական ճանապարհով:

2. Ընկույզները մեծացնում են այրվող կալորիաների քանակը

Դա մասամբ պայմանավորված է ընկույզում սպիտակուցի առկայությամբ, բայց մեխանիզմը մինչև վերջ պարզ չէ:

3. Հագեցածության զգացումը ավելի երկար է տևում

Ըստ այդմ, դուք երկար ժամանակ քաղց չեք զգում:

Պատրաստեց Անի Գաբուզյանը