«Յուրաքանչյուր մրցաշրջանում Մարսիալը կարող է 20 գոլ խփել». Սուլշեր
«Մանչեսթեր Յունայթեդի» գլխավոր մարզիչ Օլե-Գունար Սուլշերը պատասխանել է այն հարցին, թե արդյո՞ք հարձակվող Էնթընի Մարսիալն ի վիճակի է բոլոր մրցաշարերում յուրաքանչյուր մրցաշրջանում 20 գոլ խփել:
«Կարծում եմ, որ Էնթընին կարող է ավելացնել, ավելի շատ գոլեր խփել և հասցնել 20-ի: Նա միանշանակ ունակ է: Իհարկե, նա հմտություն ունի, նա շատ լավ եզրափակում է գրոհները: Նա հիանալի է իրացնում պահերը: Նա լավ տեխնիկա ունի գրոհներն ավարտելու համար:
Նա, ընդհանուր առմամբ, լավ է տիրում գնդակին և նաև պաշտպանվում է: Նա կարող է խաղալ «կեղծ ինը» դիրքում: Երբեմն ուզում եմ, որ նա ֆիզիկապես ավելի ուժեղ լինի»,- Սուլշերին է մեջբերում The Guardian-ը:
Ընթացիկ մրցաշրջանում Մարսիալը բոլոր մրցաշարերում դարձել է 13 գոլի հեղինակ:
Պատրաստեց Անի Գաբուզյանը
