Samsung Galaxy Fold 2-ը կլինի անտեսանելի տեսախցիկով առաջին սմարթֆոնը

Շարքի առաջին սմարթֆոնի ֆոնին այս սմարթֆոնը պարծենալու շատ  բան կունենա:

Samsung Galaxy Z Flip-ի ծալվող սմարթֆոնը Galaxy Fold-ի կրկնությունը չէ: Հայտնի է, որ Samsung-ը ստեղծում է նորարարական գործիքի լիարժեք շարունակությունը: XDA Developers-ի հեղինակ Մաքս Ուայնբախը կիսվել է դեռևս չներկայացված սարքի վերաբերյալ մանրամասներով:

Ըստ ամենայնի, Samsung-ի ծալովի բոլոր հարմարանքները պատկանում են Z շարքին, ուստի նորույթը կոչվում է Galaxy Z Fold 2: Արդեն հայտնի է, որ սմարթֆոնը կստանա Էկրանի տակ գտնվող առջևի տեսախցիկ: Սրա շնորհիվ դիսփլեյի վրա չեն լինի անցքեր և ճեղքեր: Փոխարենը՝ առջևի խցիկը թաքնված է էկրանի տակ: Սմարթֆոնի աշխատանքի ընթացքում տեսախցիկի ոսպնյակները տեսանելի չեն լինի, այն կհայտնվի միայն սելֆիի կամ տեսազանգերի ժամանակ: OPPO- ն արդեն ցուցադրել էր նմանատիպ տեխնոլոգիա նախորդ տարվա ամռանը` որոշ տարբերություններով: Ամռանն այս տեսախցիկի տեխնոլոգիան դեռևս մշակվելու է՝ լուծելով բոլոր կանխատեսվող խնդիրները։

Ուայնբախը խոստովանում է, որ Samsung-ը կարող է շարունակել աշխատել այս տեխնոլոգիայի վրա և առայժմ թողնել ստանդարտ կտրվածքը:

Սարքի արտաքին մասում կհայտնվի Infinity V էկրան՝ այն ավելի մեծ դարձնելով իր նախորդ տարբերակի 4.6 դյույմանոց էկրանից: Ներսում կլինի 7,7 դյույմանոց Infinity Flex մատրիցա, որը պաշտպանում է ծայրահեղ բարակ ապակին: Հիմնական տեսախցիկը սենսորների նույն փաթեթն է, ինչ Galaxy S20 +- ում` 12 մեգապիքսել հիմնական մոդուլով, բայց աջակցություն է վիդեո ձայնագրելու համար 8K բանաձևով` վայրկյանում 24 կադր հաճախականությամբ:

Նաև Fold 2-ը կստանա նորացված S-Pen ստիլուս, որը, ամենայն հավանականությամբ, տարբերվելու է Galaxy Note10-ում տեղադրվածից:  Սմարթֆոնը կհայտնվի մի քանի գույներով՝ կապույտ, արծաթագույն, ոսկեգույն, վարդագույն և սև:

Ֆլագմենի թողարկումն ակնկալվում է 2020 թվականի հուլիսին:

Սիրարփի Աղաբաբյան