Կտրուկ աճել է կորոնավիրուսով վարակման դեպքերի թիվը
Չինաստանում նոր կորոնավիրուսով վարակված մարդկանց թվի կտրուկ աճ է արձանագրվել: «Վանյի» լրատվական պորտալի տեղեկությունների համաձայն, որը վկայակոչում է տարածաշրջանային իշխանությունների տվյալները, վարակված մարդկանց թիվը մեկ օրում ավելացել է ավելի քան 15 հազարով եւ հասել 59,8 հազարի։
Իշխանություններն այդ փաստը բացատրում են ախտորոշման նոր մեթոդի կիրառմամբ, որը թույլ է տալիս ավելի արագ եւ ավելի ստույգ հայտնաբերել վարակվածներին:
Չինաստանում COVID-19 հիվանդությունից մահացածների թվաքանակը կազմել է 1368, բուժվել է 5 963 պացիենտ: Թարմացված տվյալների համաձայն, նոր կորոնավիրուսից մահացության պաշտոնական ցուցանիշը երկրում կազմում է 2,28 տոկոս, հաղորդել է ՏԱՍՍ-ը:
