Սպիտակ տունը փորձում է կասեցնել Բոլթոնի գրքի հնարավոր հրապարակումը
Սպիտակ տունը հունվարի 29-ին փորձ է ձեռնարկել կասեցնելու նախագահ Դոնալդ Թրամփի՝ անվտանգության հարցերով նախկին խորհրդական Ջոն Բոլթոնի հնարավոր ցուցմունքները իմփիչմենթի գործընթացում եւ գրքի հրապարակումը: Սպիտակ տանը տեղեկատվական անվտանգության հարցերի տնօրեն Էլեն Նայթը նամակ է գրել Բոլթոնի փաստաբաններին, որտեղ նշում է, որ նախկին խորհրդականի չհրատարակված գրքում կա «զգալի քանակությամբ գաղտնիացված տեղեկատվություն»:
Նայթի նամակը հրապարակել է MSNBC հեռուստաալիքը՛ Սպիտակ տունը հայտարարել է, որ գաղտնի տեղեկատվության հրապարակումը կարող է վնասել երկրի անվտանգությանը:
Բոլթոնը կարող է Սենատի հանգուցային վկա դառնալ Թրամփի պաշտոնազրկման գործընթացում:
Ավելի վաղ մամուլում տարածվել են մանրամասնություններ Բոլթոնի գրքից, որտեղ նա ասում է, որ Թրամփն իրոք կասեցրել է Ուկրաինային ցույց տրվող ռազմական օգնությունը՝ փոխարենը հետաքննության տեսքով քաղաքական ծառայություններ ակնկալելով իր քաղաքական հակառակորդ Ջո Բայդենի նկատմամբ, հաղորդել է ՌԻԱ Նովոստին: