«Երևան Սիթի» սուպերմարկետի ավտոկայանատեղիում ավտոմեքենա է այրվել
Փետրվարի 1-ին, ժամը 21:36-ին 911 ահազանգման կենտրոն ահազանգ է ստացվել, որ Երևանի Կոմիտասի պողոտայի «Երևան Սիթի» սուպերմարկետի ավտոկայանատեղիում ավտոմեքենա է այրվում:
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ:
Հրդեհը մեկուսացվել է ժամը 21:44-ին, մարվել՝ 21:55-ին: Մասամբ այրվել է «Volkswagen Golf» մակնիշի ավտոմեքենայի (վարորդ՝ Օլեգ Ռ.) ցուցիչների վահանակը:
