«Նեյմարի մասին լուրերը ազդել են «Բարսելոնայի» ֆուտբոլիստների վրա: Մենք չէինք կարողանում կենտրոնանալ». Պիկե
«Բարսելոնայի» պաշտպան Ժերար Պիկեն մեկնաբանել է ՊՍԺ-ի հարձակվող Նեյմարի տապալված տրանսֆերը:
«Նախևառաջ, ես կարծում եմ, որ առաջնության երրորդ տուրից հետո տրանսֆերային պատուհանը փակելը իմաստ չունի:
Ի վերջո, Փարիզում մնացած Նեյմարի մասին այս բոլոր անիմաստ լուրերը ազդեցին մեր խաղացողների վրա: Մենք չկարողացանք կենտրոնանալ հիմնական նպատակի վրա և հաղթել հանդիպումները:
Նեյմարը հիանալի ֆուտբոլիստ է: Կարծում եմ, որ ՊՍԺ-ում նրա հետ ամեն ինչ լավ կլինի:
Տեսնենք, թե ինչ կլինի հետո: Ես գիտեմ միայն, որ Նեյմարը երջանիկ էր «Բարսելոնայում»,- ասել է Պիկեն:
Սիրարփի Աղաբաբյան
