Կարապի լճի կղզին բացվել է քաղաքացիների համար. առաջին այցելուն ՀՀ վարչապետն էր
Օպերայի հարևանությամբ գտնվող Կարապի լճի կղզին, որը նախկինում փակ էր ցանկապատով, այժմ բաց է քաղաքացիների համար։ Առաջին այցելուն ՀՀ վարչապետ Նիկոլ Փաշինյանն էր՝ տիկնոջ՝ Աննա Հակոբյանի և դստեր՝ Արփիի հետ։ Վարչապետին ուղեկցում էր նաև հայտնի ջազ երաժիշտ Վահագն Հայրապետյանը։
«Վերջին տարիներին կղզու դռնակը փակ է եղել այցեկուների համար։ Հնաբնակ երևանցիները ասում էին, որ ժամանակին այն միշտ բաց է եղել քաղաքացիների համար»,- ասաց վարչապետը՝ հավելելով, որ դիմել էր Երևանի քաղաքապետ Հայկ Մարությանին՝ հասկանալու, թե ինչու է կղզին փակ։ Քննարկումների արդյունքում որոշում է կայացվել կղզին բացել։
