Ցուցմունքներ՝ Գագիկ Խաչատրյանից հնարավորինս մեծ գումարներ կորզելու նպատակով. «Հրապարակ»
«Հրապարակ» թերթը գրում է. «Երեկ ԱԱԾ-ն ձերբակալեց ֆինանսների նախկին նախարար Գագիկ Խաչատրյանին և նրա եղբորորդուն՝ Կարեն Խաչատրյանին։ ՀՔԾ-ն հաղորդեց, որ նա մեղադրվում է ՀՀ քրեական օրենսգրքի 38/179-րդ հոդվածի 3-րդ մասի 1-ին կետով` առանձնապես խոշոր չափերի չարաշահման կազմակերպումը, և արդեն իսկ վերականգնել է 800 միլիոն դրամի վնասը:
Մենք տեղեկացանք, որ ԱԱԾ են հրավիրվել մեծ թվով մարդիկ և հատկապես կարգոների տերերը՝ ՊԵԿ նախկին նախագահի դեմ ցուցմունք տալու։
Սակայն բոլորին հասկանալի է, որ այս ցուցմունքներն ու ապացույցները ոչ թե Խաչատրյաններին նստեցնելու համար են, այլ հնարավորինս մեծ գումարներ կորզելու։ Դա է վկայում նաև ՀՔԾ հայտարարությունը՝ 800 միլիոն դրամի վերականգնման մասին, վերականգնումը շարունակություն է ունենալու»։
Ամբողջությամբ կարող եք կարդալ թերթի այսօրվա համարում:
