Google-ը սկսել է իրականացնել թեթևացված որոնում ամբողջ աշխարհում

Google Go ծրագիրը նախատեսված է բյուջետային սմարթֆոնների համար՝ ցածր աշխատունակությամբ և վատ ինտերնետով:

Google-ն արդեն մեկուկես տարի է, ինչ Հնդկաստանում և Ինդոնեզիայում փորձարկում է պարզեցված որոնողական ծրագիրը: Այժմ Google Go ծրագիրը կարող է ներբեռնվել այլ երկրներում՝ Google Play-ի միջոցով, ներառյալ Հայաստանում: Android 5.0 Lollipop և ավելի բարձր սմարթֆոնները կարող են օգտվել ծրագրից, հայտնում է The Verge-ը:

Google Go հավելվածը ձերբազատվել է բազմաթիվ գործառույթներից, որպեսզի աշխատի թույլ սմարթֆոնների վրա՝ դանդաղ ինտերնետ կապով: Ի տարբերություն սովորական որոնումների, այս ծրագիրը խնայում է կապը և սարքի հիշողությունից միայն 7 MB է խլում: Վատ կապի հետ աշխատելու համար հավելվածը ցուցադրում է վեբ էջերը պարզեցված ռեժիմով:

Միևնույն ժամանակ, Google Go-ն ունի կանոնավոր որոնման բոլոր հիմնական գործառույթները: Հավելվածը հիշում է որոնման պատմությունը, կա ձայնային հսկողություն, այն կարող է բարձրաձայն կարդալ վեբ-էջերը: Նույնիսկ կա Google Lens ծառայություն, որը թույլ է տալիս որոնել տեղեկատվություն օբյեկտների վերաբերյալ՝ սմարթֆոնի տեսախցիկը պահելով դրանց վրա:

Google Go-ն կարող է տեղադրվել նաև ֆլագմենային սմարթֆոնների վրա, եթե, օրինակ՝ կանոնավոր որոնման բոլոր հատկությունները անհրաժեշտ չեն:

Սիրարփի Աղաբաբյան