«Պոգբան չի կարող լինել Կանտոնան, Գիգսը և Քինը միասին». Սուլշեր
«Մանչեսթեր Յունայթեդի» գլխավոր մարզիչ Օլե-Գունար Սուլշերն արձագանքել է կիսապաշտպան Պոլ Պոգբայի հասցեին քննադատությանը:
«Բոլորը կարող էին տեսնել, թե որքան նեղված էր Պոլը, երբ նա չխփեց 11-մետրանոցը: Նա արժանի չէ այս ամենին:
Ես արդեն բազմիցս խոսել եմ այդ մասին, և Պոլը ևս սա ասել է, որ, երբ գնում ես «Մանչեսթեր Յունայթեդ», դու դառնում ես մանկունյանցի, իսկ եթե մի անգամ դառնում ես մանկունյանցի, դու հավերժ մանկունյանցի ես, և Պոգբան ամեն շաբաթ իրեն նվիրում է այս ակումբին:
Նա իրոք շատ բան է ակնկալում ինքն իրենից, այնպես որ, դա ինձ չի անհանգստացնում: Մենք նրանից շատ բան ենք ակնկալում, բայց մենք հասկանում ենք, որ նա չի կարող լինել Ռոյ Քինը, Վերոնը, Գիգսը և Կանտոնան միասին: Դա դժվար է, բայց նա դեռ բարձր մակարդակի խաղացող է»,- ասել է Սուշերը:
Սիրարփի Աղաբաբյան
