«Մանչեսթեր Յունայթեդի» ֆուտբոլիստները դժգոհ են նոր պայմանագրերում առկա մի դրույթից
«Մանչեսթեր Յունայթեդի» ֆուտբոլիստները դժգոհ են ակումբի վարած քաղաքականությունից, որը նախատեսում է աշխատավարձերի 25% կրճատում, եթե թիմը մինչև մրցաշրջանի ավարտ չկարողանա հայտնվել Չեմպիոնների լիգայի գոտում: Ինչպես հաղորդում է The Sun-ը, մանկունյանցիների ղեկավարությունը պատրաստվում է այս դրույթը ներառել բոլոր նոր համաձայնագրերում:
Անցած մրցաշրջանի արդյունքներով՝ «Մանչեսթեր Յունայթեդը» Պրեմիեր լիգայի մրցաշարային աղյուսակում զբաղեցրեց ընդամենը վեցերորդ հորիզոնականը, ուստի այս մրցաշրջանում չի մասնակցելու եվրոպական ամենահեղինակավոր մրցաշարերին:
Ընթացիկ մրցաշրջանն Օլե-Գունար Սուլշերի սաները մեկնարկել են մեկ հաղթական և մեկ ոչ-ոքի հանդիպումներով: Երկրորդ տուրից հետո «Կարմիր սատանաները» զբաղեցնում են մրցաշարային աղյուսակի 4-րդ հորիզոնականը:
Պատրաստեց Անի Գաբուզյանը
