Ռուսաստանը ֆիզիկական անձանց համար խստացնում է սահմանով մրգերի, ծաղիկների և բանջարեղենի ներկրման կանոնները
Ռուսաստանի տարածք մրգերի, բանջարեղենի, ծաղիկների ներկրման նոր կանոնները պաշտոնապես ուժի մեջ են մտնում օգոստոսի 19-ից՝ փաստաթղթերով ամրագրելով արդեն գործող նորմաները:
Ռուսաստանի կառավարության՝ իրավական տեղեկատվության պաշտոնական ինտերնետ-պորտալում հրապարակված որոշման համաձայն՝ ուղեբեռում եւ ձեռնածանրոցում թույլ կտրվի ներկրել 5 կիլոգրամից ոչ ավելի միրգ եւ բանջարեղեն եւ երեքից ոչ ավելի ծաղկեփունջ:
Ավելի խոշոր խմբաքանակների ներկրման համար կպահանջվեն համապատասխան ուղեկցական փաստաթղթեր՝ բուսասանիտարական հավաստագրեր: Դրանց բացակայության դեպքում ենթակարանտինային արտադրանքը կա՛մ կվերադարձնեն հետ, կա՛մ կոչնչացնեն սեփականատիրոջ հաշվին: Կանոնները կտարածվեն տրանսպորտի բոլոր տեսակների վրա, ներառյալ ջրային, ավիա-, երկաթուղային եւ ավտոմոբիլային տրանսպորտը, հաղորդել է ՏԱՍՍ-ը:
