Թուրքիայի օդուժը հրթիռակոծել է Հյուսիսային Իրաքը
Թուրքիայի օդուժը հրթիռակոծել է Հյուսիսային Իրաքի Զափ շրջանում գտնվող «Քուրդիստանի բանվորական կուսակցության» (ՔԲԿ-PKK) հենակետերը։ Այդ մասին հաղորդում է Թուրքիայի պաշտպանության նախարարությունը։
Օպերացիայի ընթացքում ոչնչացվել են քուրդ զինյալներին պատկանող թաքստոցներ, զինապահեստներ։
Հիշեցնենք, որ PKK-ն Թուրքիայում համարվում է ահաբեկչական խմբավորում։ Վերջինիս դեմ գործողությունները իրականացվում են ինչպես Թուրքիայում, այնպես էլ դրանից դուրս։ Մասնավորապես թուրքական օդուժը հաճախակիորեն հրթիռակոծում է Հյուսիսային Իրաքը, որտեղ, ըստ թուրքական կողմի, գտնվում է քուրդ զինյալների գլխավոր ռազմաբազան՝ Քանդիլը։
