Բաժիններ՝

ԱԺ աշխատակազմից 54 մարդ կրճատվել է. աշխատակազմի ղեկավարի տեղակալը մանրամասնում է. ArmDaily.am

Ինչպես հայտնի է, Ազգային ժողովում արշալույսները խաղաղ չեն։ Երկու օր է՝ լրատվամիջոցները գրում են, որ կառուցվածքային փոփոխություններով պայմանավորված կրճատումներ են խորհրդարանում։

Երեկ հայտնի դարձավ, որ աշխատակազմի ղեկավարների ու աշխատակիցների միջև խոսակցություններն այնքան են լարվել, որ հեռահաղորդակցման բաժնի ղեկավար Սասուն Պետրոսյանին սրտի սուր ծակոցներով շտապօգնության մեքենայով տեղափոխել են հիվանդանոց, որտեղ սրտի ստենտավորում են իրականացրել։

Խնդիրն ինչպես կադրային կրճատումներն են, այնպես էլ օրակարգում պետծառայողների քանակի կրճատումը։

ԱԺ-ում կատարվող իրադարձությունների մասին ArmDaily.am-ը զրուցել է ԱԺ աշխատակազմի ղեկավարի տեղակալ Լիլիթ Մինասյանի հետ։

Մինասյանն ասում է՝ աշխատակազմում նախկինում ունեցել են 654 աշխատակից, որից հայեցողական պաշտոն զբաղեցրել են 164-ը, 232-ը պետական ծառայողներ են, քաղաքացիական աշխատանք կատարող՝ 41, բյուջետային գրասենյակի 5 աշխատող, վարչական պաշտոն զբաղեցնող 4, տեխնիկական սպասարկում իրականացնող՝ 208։ Վերջինիս կազմում են նաև մաքրուհիները։ Հաստիքացուցակը 650 է, կրճատվել է 54-ով։ Այն աշխատակիցները, որոնց առաջարկվել է իրենց, կամ այլ՝ բարձր պաշտոնի հաստիքի համար մրցույթների դիմել, տեղափոխվել են ռեզերվ։

Ամբողջությամբ՝ սկզբնաղբյուր լրատվամիջոցում:

Բաժիններ՝

Տեսանյութեր

Լրահոս