Մխիթարյանն ընկերական խաղում չի իրացրել 11-մետրանոց հարվածը
Հայաստանի ֆուտբոլի ազգային թիմի ավագ Հենրիխ Մխիթարյանը մասնակցել է «Արսենալ»-ի հերթական ընկերական խաղին:
Ֆրանսիայում կայացած ընկերական խաղում «Արսենալ»-ն ուժերը չափեց «Անժե»-ի հետ: Հանդիպումն ավարտվեց ոչ-ոքի` 1:1 հաշվով:
63-րդ րոպեին փոխարինման մտած Հենրիխ Մխիթարյանը չկարողացավ իրացնել 11-մետրանոց հարվածը:
Անգլիայի առաջնության` Պրեմիեր լիգայի նոր մրցաշրջանի առաջին խաղում` օգոստոսի 11-ին, «Արսենալ»-ն արտագնա խաղում կմրցի «Նյուքասլ»-ի հետ:
