Դիբալայի գործակալը ժամանել է Անգլիա՝ «Մանչեսթեր Յունայթեդի» հետ բանակցություններին
«Յուվենթուսի» հարձակվող Պաուլո Դիբալայի գործակալը ժամանել է Լոնդոն՝ «Մանչեսթեր Յունայթեդի» հետ բանակցություններին մասնակցելու համար: Այս մասին հայտնում է լրագրող Ջանլուկա Դի Մարցիոյի կայքը:
Ըստ աղբյուրի, եթե կողմերը կարողանան համաձայնեցնել խաղացողի անձնական պայմանագրի պայմանները, բանակցությունները կշարունակվեն: Ենթադրվում է, որ եթե Դիբալան տեղափոխվի «Մանչեսթեր Յունայթեդ», ապա թուրինյան ակումբը կստանա հարձակվող Ռոմելու Լուկակուին:
Միևնույն ժամանակ՝ «Յուվենթուսն» արգենտինացի խաղացողին գնահատում է 100 միլիոն եվրո, իսկ բելգիացու արժեքը մոտավորապես 85 միլիոն եվրո է, ինչի պատճառով իտալական ակումբը ցանկանում է հավելավճար ստանալ:
Պատրաստեց Անի Գաբուզյանը
