![](/banners/BeFunky-design.jpg)
««Բարսայի» ղեկավարությունը խոստացել էր իմ համարը դե Յոնգին, բայց չէր տեղեկացրել ինձ». Ալենյա
![](https://168.am/wp-content/uploads/2019/07/de-jong-alena-numbers-vhtomnt.jpg)
Կատալոնական «Բարսելոնայի» կիսապաշտպան Կառլես Ալենյան պատմել է այն մասին, որ թիմի ղեկավարությունն իր խաղաշապիկի համարը խոստացել է թիմի նորեկ Ֆրենկի դե Յոնգին, սակայն իրեն անգամ չի տեղեկացրել այդ մասին:
«Իմ գլխում չի տեղավորվում այն փաստը, որ թիմի ղեկավարներն իմ համարը խոստացել են դե Յոնգին այն ժամանակ, երբ ես այդ մասին տեղյակ չէի:
Մենք նրա հետ միասին պետք է որոշեինք այդ հարցը: Կարծում եմ, որ ավելի ճիշտ կլիներ, որ ղեկավարությունը գոնե տեղեկացներ ինձ: Նրանք խոստացել էին, բայց չէին հարցրել ինձ:
Կարծում եմ, որ սա սխալ է: Ես միշտ հարգալից եմ եղել թիմի նկատմամբ»,- ասել է Ալենյան:
Սիրարփի Աղաբաբյան