Մեսսիի նոր պայմանագիրը «Բարսելոնա»-ի հետ կարող է կնքվել մինչև կարիերայի ավարտը
Կատալոնական «Բարսելոնա» ֆուտբոլային ակումբը Մեսսիին մինչ կարիերայի ավարտը պայմանագիր կառաջարկի:
Աս մասին Mundo Deportivo-ն: Արգենտինացի հարձակվողի գործող պայմանագիրը «Բարսելոնա»-ի հետ վերջանում է 2021 թվականին: Պայմանագրում կա կետ, ըստ որի այն կարող է երկարաձգվել ևս մեկ տարով: Սակայն կատալոնական ակումբը ձգտում է հասնել նրան, որ Մեսսին ստորագրի մի պայմանագիր, որով կմնա ակումբում մինչև կարիերայի ավարտը:
Եթե Մեսսին ստորագրի պայմանագիրը, ապա այն կլինի թվով 10-րդը ֆուտբոլիստի և ակումբի միջև:
Մեսսին «Բարսելոնա»-ի ակումբի սան է և ամբողջ կարիերան անցկացրել է այդ թիմում:
