«Հուսով ենք՝ Բեյլը շուտով կհեռանա». Զիդան
Չեմպիոնների միջազգային գավաթի խաղից հետո, որտեղ «Ռեալը» 1:3 հաշվով պարտվեց «Բավարիային», Զիդանը պատմել է Գարեթ Բեյլի ապագայի մասին:
«Բեյլը չէր խաղում, քանի որ, ուր որ է՝ նա հեռանալու է: Հուսով ենք, որ դա շուտով տեղի կունենա: Դա կլինի լավագույն տարբերակը բոլորի համար: Մենք աշխատում ենք նրա՝ նոր ակումբ տեղափոխության վրա:
Ես ոչինչ չունեմ նրա դեմ, բայց եկել է ժամանակը, երբ գործողություններ պետք է արվեն: Ես պետք է կայացնեմ այդ որոշումը: Մենք պետք է փոխվենք:
Հեռացումը մարզչի որոշումն է, բայց նաև խաղացողի, ով հասկանում է դասավորությունը: Ամեն ինչ կփոխվի, ես չգիտեմ՝ 24 թե 48 ժամում: Բայց իրավիճակը հաստատ կփոխվի: Եվ դա լավ է բոլորի համար»,- Զիդանին է մեջբերում ESPN-ը:
Պատրաստեց Անի Գաբուզյանը
