Հնդկաստանի հյուսիսում կայծակի հարվածից ավելի քան 30 մարդ է զոհվել մեկ օրում. NDTV
Հնդկաստանի Ութար Փրադեշի հյուսիսային նահանգում հուլիսի 21-ին առնվազն 32 մարդ է զոհվել կայծակների հարվածներից, որոնք հարուցել են հզոր մուսոնային տեղատարափ անձրեւներն՝ ամպրոպներով: Ինչպես հուլիսի 22-ին հաղորդել է NDTV հեռուստաալիքը, եւս 13 մարդ վնասվածքներ է ստացել կայծակի հարվածից։
Ըստ այդ տեղեկատվության՝ ամենից շատ զոհեր են արձանագրվել Քանփուր եւ Ֆաթեհփուր քաղաքների շրջանում՝ հինգական մարդ: Նահանգի կառավարությունը հայտարարել է զոհվածների եւ տուժաների ընտանիքներին օգնություն հատկացնելու մասին, հաղորդել է ՏԱՍՍ-ը:
