«Կրկին մեդալ ունենք». Արայիկ Հարությունյան
Հունգարիայի Սեգեդ քաղաքում հուլիսի 14-21-ն անցկացված Կենսաբանության 30-րդ միջազգային օլիմպիադային Կապանի թիվ 2 ավագ դպրոցի 12-րդ դասարանի սան Արեն Պետրոսյանն արժանացել է բրոնզե մեդալի, իսկ Հերացի ավագ դպրոցի աշակերտ Կուրղինյան Մհերը ՝ գովասանագրի` իր ֆեյսբուքյան էջում տեղեկացրել է ՀՀ կրթության, գիտության, մշակույթի և սպորտի նախարար Արայիկ Հարությունյանը՝ շնորհավորելով Հայաստանի ամբողջ թիմին:
Նա նշել է, որ նախորդ տարի մեր թիմին չէր հաջողվել մեդալ նվաճել Իրանում կայացած օլիմպիադայում: Նախարարին ուրախացրել է փաստը, որ մեդալ նվաճած Արեն Պետրոսյանը ներկայացնում է մարզային դպրոց:
